Ӗçӗсене хисеплесе

Нумай ҫул тӳрӗ кӑмӑлпа ӗҫленӗшӗн тата вырӑнти хӑй тытӑмлӑха аталантарас ӗҫе пай кӗртнӗшӗн Кӗҫӗн Чăнлă ял тăрăхӗн Ӗҫ тӑвакан комитечӗн секретарьне Миляуша Саматовна Хайруллована Тутарстан Республикин Патшалӑх Совечӗн Председателӗн Тав ҫырӑвӗпе чысларӗç.

* * *
Строительство отраслӗнче нумай ҫул тухӑҫлӑ ӗҫленӗшӗн:
— «Вегострой» яваплăхӗ чикӗленнӗ обществăн строительствӑпа монтаж ӗҫӗсен мастерне Нияз Зайдуллович Мухитова, ҫавӑн пекех, обществӑн тӗп инженерне Радик Фаритович Назырова Тутарстан Республикин строительство, архитектура тата ҫурт-йӗрпе коммуналлӑ хуҫалӑх министерствин Хисеп грамотипе наградӑларӗҫ.

* * *
Патшалӑх программисене пурнӑҫа кӗртме хăйӗнчен пай кӗртнӗшӗн:

— Ҫӗпрел муниципаллӑ районӗн Ӗҫ тӑвакан комитечӗн хула строительствипе архитектура пайӗн начальникне Ильдар Марсович Хусаинова; 
— Ҫӗпрел муниципаллӑ районӗн Ӗҫ тӑвакан комитечӗн строительство тата ҫурт-йӗрпе коммуналлӑ хуҫалӑх пайӗн тӗп специалистне Ильдус Радикович Сабирзянова Тутарстан Республикин строительство, архитектура тата ҫурт-йӗрпе коммуналлӑ хуҫалӑх министерствин Тав ҫырӑвне пачӗç.

* * *
Ҫӗпрел муниципаллӑ район пуҫлӑхӗн Хисеп грамотине тата Тав ҫырӑвне «Данадис» обществӑн директорӗ Ильнур Ильдусович Исхаков; Ҫӗпрел муниципаллӑ районӗн Ӗҫ тӑвакан комитечӗн хула строительствипе архитектура пайӗн тӗп специалисчӗ Илюза Ильгизовна Залялова; «Прогресс» муниципаллă унитари предприятийӗн тӗп инженерӗ Сергей Анатольевич Сердцев тивӗçлӗ пулчӗç.