Çӗпрелсем Ульяновск облаçӗн инвестици потенциалӗпе паллашрӗç

Активлă ӗç-хӗл

Тӗлпулу вăхăтӗнче актуаллă ыйтусене пӑхса тухрӗç, пӗр-пӗринпе килӗштерсе ӗҫлемелли ҫулсене тишкерчӗç.

Ҫӗпрел муниципаллӑ районӗн пуҫлӑхӗ Марат Гафаров, «Формпласт» обществӑн ертӳҫи Данис Айнуллов, экономика тата инвестици енӗпе канашçи Ильдус Вахитов, ТР Суту-илӳпе  промышленность палатин ертӳçин ятарлă представителӗ, канашçи  Ринат Исламов, «Рясь» обществăн директорӗ Айрат Усманов, Ӗç тăвакан комитетăн экономика уйрăмӗн ертӳçи Фаниль Замалетдинов, «Ҫӗпрел» промышленность лаптăкӗн управляющи компанийӗн директорӗ Роберт Низамов,  делегаци составӗ, Ульяновск облаҫӗнчи Чердаклы  районӗнчи «Заволжье» индустриаллă паркӗнче тата «Ульяновск» экономика зонинче пулчӗç.

Ӗçлӗ çулçӳревӗн тӗллевӗ,  Ульяновск облаҫӗнчи бизнес представительсемпе тата суту-илӳпе промышленность палатин членӗсемпе тӗл пуласси, опытпа паллашасси, ҫӗнӗ инвесторсене пулăшмалли  ҫул-йӗрӗсене шырасси, Ульяновск облаҫӗнчи экономика зонинчи пахалӑхсемпе паллашасси, ял хуҫалӑх продукцийӗсене ӗçе кӗртесси тата суту-илӳ опытне вӗренесси пулчӗ. Çулçӳреве Тутарстан Республикинчи Суту-илӳпе  промышленность палатипе пӗрле йӗркеленӗ.

Ӗҫ ушкӑнӗ «Улнанотех» центр лаптăкӗнче пулчӗ. Çак  территорире молекулярлă генетика диагностики, çирӗп бетон тата конструкци материалӗсемпе, функционаллă çӗр айӗнчи пуянлăхсемпе, металлометрика композицийӗсемпе, электронлă оборудованисемпе ӗçлемелли çул-йӗрсем енӗпе лабораторисем вырнаçнă.

Ульяновск облаҫӗнчи инвестици потенциалӗн презентацийӗнче аталану корпорацийӗн представителӗсем перспективлă  инвестици лаптăкӗсене тата облаçри инвесторсене кăтартакан пулӑшу мерисем ҫинчен тӗплӗн калаҫрӗç.

Унтан делегаци «Заволжье» индустриаллă паркра пулчӗ. Ҫак паркра 35 инвестици  проекчӗ пурнӑҫланать. Машина, станоксен строительстви, авиаци аталанăвӗ, çил энергетикипе композици материалӗсен ҫӗнӗ отраслӗсене йӗркелес енӗпе ӗҫсем илсе пыраççӗ. Ҫӗпрел ҫыннисем, çавăн пекех, Баратаевка ялӗнчи теплица комплексӗпе те паллашрӗç.

Çулçӳрев Ульяновск облаҫӗнче нумай отрасльсенче, уйрăмах интереслӗ тата актуаллă пулнă, опыт пуçтарăннине курма май пачӗ. Пӗрлехи инвестици  проекчӗсене пурнӑҫлас енӗпе çывăх хушăра районпа Ульяновск облаçӗ пӗрле ӗçлесси пуçланӗ, тесе кӗтеççӗ.