Çӗнтерӳ парадӗнче пирӗн ентешсем
Кăçал Çӗнтерӳ парачӗсенче пирӗн ентешӗмӗрсем те хутшăнчӗç.
Вӗсем: Алешкин-Саплăк ялӗнчен Василий Марков, Станиславпа Алексей Семеновсем, Станислав Елифанов, Михаил Борисов, Василий Казаков, Иван Гетало, Тăваньел ялӗнчен – Денис Аббязов.
Паллă ӗнтӗ, çакнашкал пысăк мероприятисенче хутшăнма яваплă, çирӗп, хăюллă, çивчӗ ăслă тата патвар хул-çурăмлă каччăсене çеç суйласа илеççӗ.
Петр Артемьев, Алешкин-Саплăк ял тăрăхӗн пуçлăхӗ:
–Чи пирваях çак каччăсен ашшӗ-амăшӗсене пысăк тав сăмахӗ калас килет. Патриотизм туйăмӗпе воспитани илнӗ каччăсем паян çӗршывăн нумай хулисенче Кӗçӗн Тăван çӗршывăн чысне сыхлаççӗ. Çак каччăсем ял халăхӗн куç умӗнче ӳснӗскерсем, паянхи кун Çӗр-аннемӗре хӳтӗлекен салтаксем пулчӗç. Ырлăх-сывлăх сунатăп вӗсене, малашне те ял мăнаçлăхӗ пулма сунатăп. Эпир сирӗнпе чăннипех те мухтанатпăр.
Парада хутшăннă ентешӗмӗрсене «За участие в военном параде в ознаменование 75-летия победы ВОВ 1941-1945 г.г» медальсем парса чысланă. Маттур каччăсем!
Следите за самым важным и интересным в Telegram-каналеТатмедиа
Нет комментариев