Çӗнӗ Йӗлмелӗнче асăну хăмине уçрӗç

Мероприятире районти ветерансен совечӗн представителӗсем, çар юхăмӗнче хутшăннă ентешсем, Н.Пришельцевăн тăванӗсемпе ял халăхӗ хутшăнчӗç.

Митингра ялти ветерансен совечӗн ертӳçи Геннадий Карсаков, Çӗнӗ Йӗлмел ял тăрăхӗн пуçлăхӗ Роберт Дружков, Афган вăрçин ветеранӗсен районти совечӗн ертӳçи Виктор Петухов, «Щит Отечества» обществăлла организацин вырăнти уйрăмӗн ертӳçи, Чечня вăрçин ветеранӗ Данил Ефимов, Афган вăрçин ветеранӗ Петр Мулеев, Пограничниксен совечӗн лидерӗ Альберт Сулейманов сăмах тухса каларӗç. Асăну хăмине Николай Пришельцев çуралса ӳснӗ çурт çине вырнаçтарчӗç.

Афганистанра пуç хунă салтакăн тăванӗсем çак акцие йӗркелесе ирттерекенсене тав турӗç.