Çӗнӗ Çӗпрел ялӗнче пурăнакан Шамиль Шагдалиев – кавӑн ӳстерекен ӑста

– Атте 70 ҫул тултарнă пулсан та, пахчара, килти ӗҫсене юратса ӗҫлет. Ҫуркуннене яланах чăтăмсăр кӗтет. Пӗчӗк пахча, çӗрулми пахчи – унӑн «стихийи». Мӑнукӗсене те вӑл хӑйпе пӗрле çӳретет, ҫапла майпа ӗҫе хӑнӑхтарать, – тет хӗрӗ .... Кавӑн та нумай акать. Элле пирӗн ҫӗр пулӑхлӑ, элле аттен сывлӑшӗ килӗшет – пирӗн кавӑнсем ытама кӗмелле мар пулса ӳсеҫҫӗ.

Шамиль Шагдалиев кавăнӗ кӑҫал та ҫав тери пысӑк – 20 килограмм таякан пулса ӳснӗ.

– Эпир пӗчӗк чухне аннесем кавӑна чугунта пӗҫеретчӗҫ, вӑл чӗлхене çăтса ямалла тутлӑ пулатчӗ, – тесе каласа парать Шамиль Шагдалиев.  – Хамӑр та кавӑн кукли пӗçеретпӗр, выльӑхсене те çитеретпӗр. Эпӗ ҫав кавӑнсене ӳстерме юрататӑп ӗнтӗ. Пӗрре пӑхатăн – тӗвӗленнӗ çеç, тепре пăхатăн – хӗвел пек шарсем выртаççӗ – хӑй пӗр илем, – тет кавӑн ӳстерекен ӑстаҫӑ хӑйӗн ӗҫӗ ҫинчен.