Чи лайӑх ҫамрӑк инспекторсен отрячӗсем тата ертӳҫисем палăртрӗç

«Талантсен планети» ачасен творчество çуртӗнче «2023-2024 вӗренӳ ҫулӗн пӗтӗмлетӗвӗсем тӑрӑх чи лайӑх ҫамрӑк инспекторсен отрячӗ тата çамрăк инспекторсен отрячӗн чи лайӑх ертӳҫи» республика конкурсӗн муниципаллă тапхӑрӗн пӗтӗмлетӗвӗсене пӑхса тухрӗç.

Республикӑри конкурсра районти çутӗç учрежденийӗсен юхӑмӗн ҫамрӑк инспекторӗсен отрячӗсем тата юхăмăн ертӳҫисем хутшӑнчӗç. Отрядсем 2023-2024 вӗренӳ ҫулӗнчи мӗнпур ӗç-хӗле çутатнă папка хатӗрленӗччӗ. Конкурс икӗ: «ЮИД отрячӗсен ӗҫӗ-хӗлӗ» тата «ЮИД отрячӗн ертӳҫин ӗҫӗ-хӗлӗ» номинаци енӗпе иртрӗ.

«Çул-йӗр юхăмӗн хăрушсăрлăхӗн» ГБУ Пӑвари уйрӑмӗн ертсе пыракан специалисчӗ Екатерина Журавлева хутшӑнакансем умне тухса калаçса, конкурсăн пӗтӗмлетӗвӗсемпе паллаштарчӗ. Хӗллехи каникул вӑхӑтӗнчи профилактика ыйтӑвӗсене хускатрӗ, республикӑра 2024 ҫулăн 11 уйӑхӗнче ачасемпе ҫитӗннисем хутшӑннипе пулнă çул-йӗр транспорт аварийӗсен цифрисем çинче чарӑнса тӑчӗ. Ҫавӑн пекех, вӑл ачасемпе хӑрушсӑрлӑх тата ҫул-йӗр-юхӑмӗн правилисем енӗпе профилактика ӗҫне малалла тӑсмаллине, талӑкӑн тӗттӗм вӑхӑтӗнче ҫутта тавӑракан элементсем çине тимлӗх уйӑрмаллине аса илтерчӗ.

Районти çутӗç пайӗн начальникӗ Газинур Халиуллов отрядсен ертӳçисене пӗрле тата тухӑҫлӑ ӗҫленӗшӗн тав турӗ, малалла та ӗҫӗсенче ҫитӗнӳсем сунчӗ.

Конкурс пӗтӗмлетӗвӗсем вара ҫакӑн пек пулчӗç. «ЮИД отрячӗсен ӗҫӗ-хӗлӗ» номинацире 1-мӗш вырӑна Çӗнӗ Упи тӗп пӗтӗмӗшле пӗлӳ паракан шкулăн отрячӗ, 2 вырӑна — Упи вăтам шкулӗ, 3 вырӑна Алешкин-

Саплăк вăтам шкулӗ çӗнсе илчӗç.

«ЮИД отрячӗн ертӳҫин ӗҫӗ-хӗлӗ» номинацире 1-мӗш вырӑна Çӗнӗ Упи тӗп пӗтӗмӗшле пӗлӳ паракан шкулăн ЮИДотрячӗн ертӳçи Нина Ятманова çӗнсе илчӗ, 2 вырӑна — Упи вăтам шкулӗн ЮИД отрячӗн ертӳçи Елена Сердцева, 3 вырӑна Хулаçырми вăтам шкулӗн ЮИД отрячӗн ертӳçи Валентина Манякова йышӑнчӗç.
Ҫӗнтерӳҫӗсем I-мӗш, II-мӗш, II-мӗш степеньлӗ Дипломсемпе парнесене тивӗҫрӗҫ.

Кӗçӗн Чăнлă, Кивӗ Чукал, Шланка, Чăваш Çӗпрел, Кивӗ Шемӗршел, Кивӗ Çӗпрел пуçламăш шкул-ача сачӗсене, Чăваш Паснапуç пуҫламӑш шкул-ача сачӗсене хутшӑнакансен Дипломӗсене пачӗç.
Парнесене Хусанти «Ҫул-йӗр юхăмӗн хӑрушсӑрлӑхӗ» ГБУ профилактика пайӗн Пӑвари уйрӑмӗ хатӗрленӗччӗ.