«Автосесси – 2021»   район конкурсӗ иртрӗ

Ҫӗпрелӗнчи отрасль технологийӗсен  техникумӗнче студент-автомобилистсен хушшинче «Автосесси – 2021» район конкурсӗ иртрӗ.

Конкурса вӑтам ятарлă вӗренӳ çурчӗн студенчӗсем тата вӗренекенсем хушшинче ҫул-йӗр-транспорт инкекӗсен шутне чакарас, ҫул-йӗр-юхăмӗн правилисене пӗлессине çирӗплетес, аслă вӗренӳ çурчӗн студенчӗсене тата вăтам ятарлă вӗренӳ çурчӗсен вӗренекенӗсене çул-йӗр хӑрушсӑрлӑхне пропагандӑлас ӗҫе хутшӑнма явӑҫтарас тӗллевпе ирттерчӗç. Çак мероприятие Раҫҫей Шалти ӗçсен министерствин  Ҫӗпрел районӗнчи ГИБДД уйрăмӗ, «Çул-йӗр хӑрушсӑрлӑхӗ»  патшалăх бюджет учрежденийӗн Пӑва уйрăмӗпе, «Ҫӗпрелӗнчи отрасль технологийӗсен техникумӗпе» пӗрле йӗркеленӗ.

«Çул-йӗр правилисене пӗлес», «Автомобиле илемлӗ ҫӳретес» этапсенче вăй виçрӗç.

Икӗ этап пӗтӗмлетӗвӗ енӗпе Антон Сурков – 1 вырӑн, Анатолий Кочуров – 2 вырӑн, Даниф Шарафутдинов 3 вырӑнсене йышăнчӗç. Ӑмӑртусенче  ҫӗнтернисене дипломсемпе, медальсемпе, кубоксемпе тата хаклӑ парнесемпе парнелерӗҫ, ытти хутшӑнакансене «Çул-йӗр хӑрушсӑрлӑхӗн» патшалăх бюджет учрежденийӗн дипломӗсем, хавхалантаракан парнесем пачӗҫ.