Августӑн 1-мӗшӗнчен  пенси те ӳсет, газшăн  тӳлевсем те...

Пенси ӳсет

Ӗçлекен пенсионерсен пенсийӗ ҫулсерен августӑн 1-мӗшӗнчен ӳсет. Автоматла йӗркепе пурнăçланать. Ҫакӑншăн нимӗнле  заявлени  те памалла мар. Тӗрӗс, хальхи пенси ӳсесси ӗçлекен пенсионерсене кӑна пырса тивет. Тата ӗçлекен кашни пенсионера хушма калăпăш тӗрлӗрен пулать. Иртнӗ çул пысӑкрах тупӑш илнисен пенсийӗ нумайрах ӳсет.

Специалистсем ăнлантарса иртнинчен, 2022 ҫулччен пенси калăпăшне «перерасчет» тунă чухне тикӗс пулман максимальлӗ балпа усă кураççӗ. Кăçалхи январь уйăхӗнчен пӗр балл хакӗ 93 тенке тӳрӗ килет. Çавна май, ӗçлекен пенсионерсене августăн 1-мӗшӗнчен чи пысăк хушма калăпăш 279 тенке тӳрӗ килме пултарать. Ҫын ӗçе официаллӑ майпа вырнаҫман иккен, унӑн пенсийӗ ӳсмест.

Августӑн 1-мӗшӗнче газшăн хаксем ӳсеҫҫӗ

Августăн 1-мӗшӗнчен  ҫутҫанталӑк газӗн хакӗсем ӳсеҫҫӗ. Монополие хирӗç федеральлӗ  служба сенкер топливо хакӗн индексацийӗ ҫинчен приказа регистрациленӗ. Тарифсем халăхшăн та, промышленноçшăн та  3 процент таран ӳсмелле.