Аслă çулсенчисен спартакиади

«Чемпион» физкультурӑпа сывлӑха çирӗплетмелли комплексра Тӑван çӗршывӑн Аслӑ вӑрҫинче çӗнтернӗренпе 79 ҫул ҫитнине халалланӑ «Виҫҫӗмӗш ăру» XIV республикӑри пенсионерсен Спартакиадин муниципаллă тапхӑрӗ иртрӗ.

Ӑмӑртусенче хут-шӑнакансене районти Ӗҫ тӑвакан комитетăн ертӳҫин социаллӑ ыйтусем енӗпе ӗҫлекен ҫумӗ Айрат Залялов, Ҫӗпрел районӗнчи клиентсен службин представителӗ Венера Садиева, Пенсионерсен союзӗн вырӑнти уйрӑмӗн ертӳҫи Дилюза Азизова, ҫамрӑксен ӗҫӗсен, спорт тата туризм пайӗн ертӳçи Руслан Вильданов саламларӗç. 

Вӗсем, çаплах, спартакиадӑра хут-шӑнакансене районта сывӑ пурнӑҫ йӗркине пропагандӑланӑшӑн, хастарлӑ пурнӑҫ позицишӗн тав турӗҫ, ăнăçусем, сывлӑх сунчӗҫ.
Спартакиадăра хут-шӑнакансем ҫӑмӑл атлетика, дартс, пӑшалпа тӗл перес тата сӗтел çи теннисӗ пек спорт тӗсӗсем енӗпе ӑмӑртрӗç. 

Ӑмӑрту хӗрарӑмсемпе арҫынсем хушшинче уйрӑм иртрӗ. 

1, 2, 3 вырӑн йышӑннă призерсене грамотӑсемпе наградӑсем пачӗç. Хутшăнакансенчен чи аслине — Борис Улендеевпа Нуржиган Айметдинова, ҫавӑн пекех, спартакиадӑн чи активлă хутшӑнаканӗсем Талгат Зяббаровпа Джаудат Мударисов та парнеленчӗç.

Республикӑри спартакиадӑн му-ниципаллă тапхӑрӗн ҫӗнтерӳҫисем Хусанта район чысне хӳтӗлӗç.