Ăмăртатпăр, чупатпăр

Ӑмӑртусем пуҫланас умӗн районти ГТОн хӗллехи фестивалӗнче республикӑра иккӗмӗш вырӑн йышӑннӑ командӑна палӑртса иртрӗç. Хӗллехи фестивалӗн республика тапхӑрӗн пӗтӗмлетӗвӗсем тӑрӑх Егор Старшин, Агния Аръяхова, Алина Бикчурова, Никита Юманов, Сергей Шавкин, Татьяна Задурова, Динар Алимов, Николай Марков, Артем Солдатов, Валентин Маняков, Александр Петров, Петр Спиридонов, Валерий Юманов Дипломсене, медальсене тата «Акчарлак» ишмелли бассейна кайма абонементсене тивӗçрӗç. Ҫавӑн пекех командӑна ҫӗнтерӳҫӗ кубокне пачӗҫ.

Унтан ГТОн ылтӑн паллисене Гулина Насибуллинана, Алевтина Остроумована, Ранис Латыпова, Ландыш Куликована пачӗç.

Эстафетӑна пӗтӗмӗшле пӗлӳ паракан шкулсен, ял тăрăхӗсен, организацисен тата районти предприятисен командисем хушшинче уйрӑм иртрӗ.

Эстафета вӗҫӗнче ҫӑмӑл атлетика енӗпе чи лайӑх командӑсем палăрчӗç. Шкул ачисем хушшинче Аслӑ Аксу вăтам шкулӗн вӗренекенӗсем чи малтан финиша çитрӗç, Хулаçыррми вăтам шкулӗн тата Чӑваш Ҫӗпрел вăтам шкулӗн командисем иккӗмӗшпе виҫҫӗмӗш вырӑнсене йышăнчӗç.

Ял тăрăхӗсен хушшинче Упи ял тӑрӑхӗн командипе танлашакан пулмарӗ. Матак ял тӑрӑхӗн команди иккӗмӗш вырӑна, Хулаçырми команди виҫҫӗмӗш вырӑна çӗнсе илчӗç.

Предприятисемпе организацисем хушшинче 114 номерлӗ пушарпа ҫӑлав чаçӗн ӗçченӗсем 1 вырăна çӗнсе илчӗ. «Спорт шкулӗн» спортсменӗсем иккӗмӗш вырӑнта, виҫҫӗмӗш вырăнта вара район администрацийӗн команди пулчӗ.

Ҫӗнтерӳҫӗсене кубоксем, медальсем, наградӑсем тата грамотӑсем пачӗҫ.