Акӑлчанла лайӑх пӗлеҫҫӗ

Хӗллехи каникул вӗçленнӗ хыççăн, Пӗтӗм Раҫҫейри шкул ачисен олимпиадин регионти тапхӑрӗ пуҫланчӗ. Унта хутшӑнакансем 24 предметпа каласа, ҫырса тата практика енчен хӑйсен ăсталăхӗсене кӑтартса парӗç. Олимпиадӑн малтанхи конкурсӗсем ют чӗлхесемпе иртрӗç. 

Конкурса районти пилӗк вӗренекен хутшӑнса, Аслă Чăнлă вăтам шкулӗнчен Камилла Фатхуллова тата Чӑваш Çӗпрел вăтам шкулӗнчен Вероника Хрисанова призерсем пулса тӑчӗç. 
Призерсене конкурса акӑлчан чӗлхине вӗрентекен Гузалия Фатхулловапа Людмила Одинцова хатӗрленӗ.