2026 ҫулта канмалли кунсем ытларах пулӗҫ

Январь уйӑхӗнче Тутарстан ҫыннисем Çӗнӗ ҫул тата Раштав уявне пула харӑсах 11 кун канӗҫ. Февраль уйӑхӗнче канмалли кунсем 21-мӗшӗнчен пуҫласа 23-мӗшӗччен тӑсӑлӗҫ, хушма канмалли кун Тӑван ҫӗршыв хӳтӗлевҫин кунне уявлассипе ҫыхӑннӑ.

Март уйӑхӗнче Тутарстанра пурӑнакансем умлӑ-хыҫлӑ икӗ хутчен виҫӗ кун канӗҫ — мартӑн 7-мӗшӗнчен пуҫласа 9-мӗшӗччен тата мартӑн 20-мӗшӗнчен пуҫласа 22-мӗшӗччен. Ҫак уйӑхра Пӗтӗм тӗнчери хӗрарӑмсен кунне тата Ураза-байрама паллӑ тӑвӗҫ (уявӑн юлашки кунне Тутарстан Раисӗн указӗпе палӑртаҫҫӗ, анчах ТР мусульмансен Тӗн управленийӗн календарӗпе Ураза-байрама республикӑра мартӑн 20-мӗшӗнче паллӑ тума шутлаҫҫӗ). Май уйӑхӗнчи уявсем майăн 1-мӗшӗнчен пуҫласа 3-мӗшӗччен тата майăн 9-мӗшӗнчен пуҫласа 11-мӗшӗччен тӑсӑлӗҫ.

Июнӗн уйӑхӗнче Тутарстан çыннисем Раҫҫей кунне уявланӑ май, июнӗн 12-мӗшӗнчен пуҫласа 14-мӗшӗччен канӗҫ. Тутарстан Республикин кунне пӑхмасӑр, август уйӑхӗнче ТР ҫыннисен канмалли кунӗсем вӑрӑм пулмӗҫ. 2026 ҫулта уяв кунӗ вырсарникуна тӳрӗ килет, анчах та республика уявӗсен кунӗсенче хушма канмалли кун, шӑматкуна е вырсарникуна тӳрӗ килсен, куҫмасть.

Ноябрь уйӑхӗнче вӑрӑм канмалли кунсем ТР Конституцийӗн кунне уявланӑ май, ноябрӗн 6-мӗшӗнчен пуҫласа 8-мӗшӗччен тӑсӑлӗҫ.

Ҫавӑн пекех, çулталӑк хушшинче Тутарстанра пурӑнакансен эрне варринче икӗ канмалли кун пулать — майӑн 27-мӗшӗнче (ТР Раисӗн Указӗпе палӑртакан Курбан-байрам) тата ноябрӗн 4-мӗшӗнче (Халӑхсен пӗрлӗхӗн кунӗ).