2025 çулта 120 канмалли кун пулать

Пилӗк кунлӑх графикпа ӗҫлекен Раҫҫей ҫыннисем 2025 ҫулта 247 кун ӗҫлӗҫ, 118 кун канӗҫ. Кун ҫинчен РФ Правительствин постановленийӗсенчен паллă пулчӗ.

Ҫитес ҫул январӗн 1-8, февралӗн 23-мӗшӗ, мартăн 8-мӗшӗ, майӑн 1-мӗшӗ, майӑн 9-мӗшӗ, июнӗн 12-мӗшӗ, ноябрӗн 4-мӗшӗ кану кунӗсем пулса тăраççӗ. Хӑш-пӗр уяв кунӗсем канмалли кунсене тӳрӗ килнӗрен, Министрсен Кабинечӗ ӗҫлемелли мар кану кунӗсене майӑн 2-мӗшпе 8-мӗшӗсене, июнӗн 13-мӗшне, ноябрӗн 3-мӗшне тата декабрӗн 31-мӗшне куҫарма ҫирӗплетрӗ.

Ҫӗнӗ ҫул каникулӗ 11 кун (декабрӗн 29-мӗшӗ —январӗн 8-мӗшӗ), май уявӗсем — икӗ хут тӑватӑ кун (майӑн 1-4-мӗшӗ, майӑн 8-11-мӗшӗ) иртеҫҫӗ. Июнь уйӑхӗнче те Раҫҫей ҫыннисем тӑватӑ кун умлӑн-хыҫлӑн (июнӗн 12-мӗшӗнчен пуҫласа 15-мӗшӗччен) канаҫҫӗ.

Унсӑр пуҫне Тутарстанра канмалли кунсем мартăн 30-мӗшӗ (Ураза-Байрам), июнӗн 6-мӗшӗ (Курбан-Байрам), августӑн 30-мӗшӗ (Тутарстан Республикин кунӗ) тата ноябрӗн 6-мӗшӗ (ТР Конституци кунӗ) пулса тӑраҫҫӗ. Мартăн 30-мӗшӗпе августӑн 30-мӗшӗ вырсарникунсене тӳр килеççӗ, канмалли кунсене куçармаççӗ.

Çитес ҫул республикӑра пурӑнакансем икӗ кун ытларах — 120 кун канӗç.