Хезмәт көтә: Чүпрәле егетләрен Россия Кораллы Көчләре сафларына озаттылар

Бүген, 2024 елның 13 июнендә, иртә таңнан Петр Дементьев паркында Чүпрәле егетләрен Россия Кораллы Көчләре сафларына озату тантанасы узды.

Традиция буенча, Чүпрәле районы Башкарма комитеты җитәкчесе Рөстәм Мөхәммәтҗанов егетләргә яхшы хезмәт, тугры иптәшләр, яхшы командирлар һәм туган якларына исән-сау кайтуларын теләде.

- Сезне биредә көткәнлекләрен һәрвакыт истә тотыгыз. Языгыз, шалтыратыгыз һәм безнең районның лаеклы уллары булыгыз. Без сезнең барысын да яхшы булачагына ышанабыз, - диде Рөстәм Мөхәммәтҗанов.

Егетләргә юлга акчалата сәдака  тапшырылды.

Бүгеннән РФ Кораллы Көчләре сафларын Иске Чүпрәле авылыннан Камил Алимов һәм Иске Чекур авылыннан Михаил Нямуков тулыландырачак.