Халыклар бердәмлеге көне уңаеннан Чүпрәледә мәдәни һәм спорт чаралары узачак

4 ноябрьдә Россиядә Халыклар бердәмлеге көне билгеләп үтелә. Шуның белән бәйле рәвештә Татарстанда, шул исәптән ТР Чүпрәле районында яшәүчеләрне өч көн рәттән ял көтә. 

Бу көнне районда бәйрәм һәм спорт чаралары планлаштырылган. 

4 ноябрьдә район мәдәният йортында бәйрәм концерты була, аның барышында Казанның Чүпрәле районы Мәдәният көнендә күрсәтелгән концерт номерлары тәкъдим ителәчәк.

Моннан тыш, 4 ноябрьдә «Алтын» спорткомплексында «Бердәм Россия» партиясе призларына волейбол ярышлары булачак. 

Шулай ук авыл йортларында һәм мәдәният йортларында концертлар узачак.  Муниципаль китапханәләр һәм музейлар бәйрәм тарихы буенча төрле тематик чаралар әзерләячәк. 

3 ноябрьдә ТР Чүпрәле районы делегациясе Казанда милли мәдәниятләр һәм традицияләр елын ябу тантанасында катнашачак.