Район башлыгы Марат Гафаров чүпрәлеләргә бүләкләр тапшырды

Чүпрәле районы оешмалары һәм предприятиеләре җитәкчеләре белән чираттагы киңәшмә барышында бүләкләр тапшырылды. Бүләкләрне Чүпрәле районы башлыгы Марат Гафаров тапшырды.
«Ел хәйриячесе» дипломы белән Алешкин-Саплык авылыннан шәхси эшмәкәр Марков Александр Валериевич бүләкләнде.
Пенсия фонды бүлегенең яңалыкларын мәгълүмати  яктыртуда актив тырыш хезмәте өчен  «Татмедиа» АҖ филиалы «Туган як» редакциясенең баш мөхәррире - җитәкчесе Җамалтдинова Резеда Ринат кызы Татарстан Республикасы буенча Россия Пенсия фонды бүлегенең Рәхмәт хаты белән бүләкләнде.
Котлыйбыз! Алга таба да уңышлар телибез!