Пенсия фонды июньдә пенсияләр билгеләү һәм түләү тәртибе турында белдерде

Июнь аенда булачак ял һәм бәйрәм көннәренә бәйле рәвештә пенсияләр билгеләү һәм түләү графигына үзгәрешләр кертелә. Бу хакта Россия Пенсия фондының Татарстан бүлекчәсе хәбәр итә.

“Россия почтасы” федераль почта идарәсе филиалы – “Татарстан почтасы” почта хезмәте идарәсе 12,13 һәм 14 июньдә бирелергә тиешле пенсияләрне 11 июньдә туләячәк.

“Китерү хезмәте” акционерлык җәмгыяте пенсияләрне гадәттәгечә, расланган график буенча китерәчәк. Пенсия күчерү графигы ял һәм бәйрәм көннәренә туры килгән очракта кредит оешмалары пенсия һәм башка төр түләүләрне 11 июньдә күчерә.

 Игътибар! Пенсияләрне почта бүлекчәләре аша күчерүгә кагылышлы сораулар туган очракта үз участогыгызга хезмәт күрсәтүче почтальонга, элемтә бүлегенә мөрәҗәгать итергә яисә 8-800-100-00-00 телефоны буенча Россия почтасының кайнар элемтәсенә шалтыратырга мөмкин.

Пенсия белән тәэмин итүгә кагылышлы сорауларга 8-800-600-0-357 телефоны аша Россия Пенсия фондының Татарстандагы бүлекчәсе контакт-үзәге белгечләре җавап бирә.