Өлкәннәр көне уңаеннан Чүпрәле районында авыл хуҗалыгы ярминкәсе оештырылачак

Бу шимбә, 1 октябрьдә, Өлкәннәр көне һәм декадасы кысаларында, Иске Чүпрәле авылының үзәк базары территориясендә традицион авыл хуҗалыгы ярминкәсе узачак.

Ярминкәдә авыл хуҗалыгы предприятиеләреннән, КФХлардан һәм шәхси эшмәкәрләрдән продукция тәкъдим ителәчәк.

Ярминкә иртәнге якта үз эшен башлаячак. Традиция буенча мәдәният хезмәткәрләре ярминкәгә килүчеләр өчен концерт программасы әзерләячәкләр, өлкәннәр өчен кирәк булган очракта продукцияне өйгә кайтару оештырылачак.