Марат Гафаров “Цильна" җәмгыятенә «ТАССРның 100 еллыгы" билгесен куллану өчен сертификат тапшырды

Тантаналы чара, ТАССРның 100 еллыгына йомгак ясау кысаларында, ГХАТ бүлегендә узды.

–Барис Гафуров җитәкчелегендәге «Цильна» җәмгыяте  Чүпрәле районында гына түгел, республикада, хәтта  илдә дә алдынгы хуҗалыкларның берсе. Ул бөртекле культуралар җитештерү белән шөгыльләнә, чөгендер үстерә, шулай ук терлекчелек тармагы да үсеш алган җәмгыять булып санала.  Районның социаль-икътисади үсешендә дә  цильналыларның өлеше зур, -дип билгеләп үтте район башлыгы Марат Гафаров. Һәм хуҗалыкка алга таба да зур казанышлар яулауны, аның җитәкчесе Барис Гафуровка нык сәламәтлек теләде.

«ТАССРның 100 еллыгы» билгесен куллану өчен сертификат Татарстан Республикасының иң яхшы товар җитештерүчеләрнең сыйфат күрсәткече булып санала.