Эшләр дәвам итә

Әйткәнебезчә, программа бер елга исәпләнгән һәм ул 52 фельдшер-акушерлык пунктларын төзүне, авылларда башлангыч һәм белем бирү мәктәпләрендә урнашкан 6 фельдшер-акушер пунктына капиталь рәвештә һәм агымдагы ремонт ясауны, 7 амбулатор-поликлиника учрежденияләренә капиталь рәвештә һәм агымдагы ремонт ясауны, эшләп килә торган 300 фельдшер-акушерлык пунктларына капиталь рәвештә һәм агымдагы ремонт ясауны үз эченә ала.

Программага заказ бирүче итеп Төп инвестицион-төзелеш идарәсе билгеләнгән, проект ясаучы итеп - «Татинвестгражданпроект» тора. Яңа фельдшер-акушерлык пунктлары төзеләчәк торак пунктлар билгеләнгән. Безнең районда әлеге программада катнашу бәхете берничә авыл җирлегенә "елмайды". Шулай итеп, Городищеда өр-яңа фельдшер-акушерлык пункты булыр дип көтелә. Шланга авылында ул төзеләчәк яңа клуб бинасында, Каракитәдә, шулай ук, капиталь ремонт үткәрелгән мәктәп бинасында булачак, ә Шатрашанда исә, фельдшер-акушерлык пунктына төзекләндерү үткәреләчәк.