Чүпрәлеләрне күпьеллык намуслы хезмәтләре өчен бүләкләделәр

Бүген, 2023 елның 14 августында, оешма һәм предприятие җитәкчеләре белән эшлекле дүшәмбе вакытында бүләкләү тантанасы булды.

Физик культура һәм спорт өлкәсендәге казанышлары өчен район Башкарма комитетының яшьләр эшләре, спорт һәм туризм бүлеге начальнигы башлыгы Руслан Расих улы Вильданов Татарстан Республикасы спорт министрлыгының «Татарстан Республикасы Физик культура һәм спорт отличнигы» күкрәк билгесе белән бүләкләнде. 

Реклама

Чүпрәле муниципаль районы башлыгының Мактау грамотасы белән:

— Күпьеллык намуслы хезмәте, әйләнә-тирәлекне саклауга керткән зур өлеше өчен озак еллар Татарстан Экология һәм табигый байлыклар министрлыгының Идел Аръягы территориаль идарәсен җитәкләгән Васин Николай Алексеевич; район мәгариф системасын үстерүдә намуслы хезмәте өчен район мәгариф бүлеген озак еллар җитәкләгән, хәзерге вакытта Казан шәһәренең 126 нчы гимназиясенең директоры Халитов Илсур Әхмәтсафи улы; район авыл хуҗалыгы тармагында озак еллар намуслы хезмәте өчен һәм тууына гомер бәйрәме уңаеннан «Россия авыл хуҗалыгы үзәге» ФДПУ филиалының Чүпрәле район бүлегенең 1 категорияле агрономы Халитова Дамирә Әнвәр кызы бүләкләнделәр.