Чүпрәлеләр бүләкләргә лаек булды

Татарстан Эчке эшләр министрлыгында «Закон территориясе» республика конкурсы җиңүчеләрен һәм лауреатларын бүләкләделәр.
Анда  Россия Эчке эшләр министрлыгының Чүпрәле районы буенча  балигъ булмаганнар эше буенча өлкән инспекторы Любовь Владимировна Катина “Балигъ булмаганнарны иҗтимагый тәрбияләүгә керткән өлеше өчен” номинациясендә беренче урынны яулады.

Чүпрәлеләр РФ Дәүләт Думасында гаилә һәм аналар мәсьәләләре буенча фикер алышуда катнаштылар.

Муниципалитет данын Алешкин-Саплык авыл мәдәният йорты мөдире Наталия Клементьева һәм Городище урта мәктәбе директоры Надежда Мокшина яклады.

Гаилә кыйммәтләрен ныгытуга, традицияләрне саклауга керткән шәхси өлеше өчен Наталия Клементьева Рәхмәт Хатына лаек булды. Бүләкне  РФ Дәүләт Думасы депутат Татьяна Ларионова тапшырды.