Чүпрәлеләр авыл хуҗалыгы продукциясен Казанда ярминкәдә тәкъдим итте

Бүген, 2024 елның 16 мартында Татарстанда язгы авыл хуҗалыгы ярминкәләре башланды.

Традиция буенча Казан шәһәренең Киров районы Батыршин урамында үз авыл хуҗалыгы продукциясен Чүпрәле районы тәкъдим итте.

Казанда авыл хуҗалыгы ярминкәләрендә Чүпрәле муниципаль районы авыл хуҗалыгы товарлары җитештерүчеләренең продукциясенә шәһәр халкы ихтыяҗ булган, 2 млн.сумнан артык продукция сатылган.

Ярминкәдә Татарстан Республикасы Премьер-министры урынбасары — Татарстан Республикасы Авыл хуҗалыгы һәм азык-төлек министры Марат Җаббаров катнашты.