Чүпрәледән 11 егет армиягә китте

2025 елның көзге чакырылышы кысаларында хәрби хезмәткә алынучыларны чираттагы тантаналы озату 20 ноябрьдә Татарстан Республикасы Чүпрәле муниципаль районында узды. 

11 егет армия хезмәтенә китте. Озату традиция буенча Петр Дементьев исемендәге паркта узды. Егетләрне озатырга йөздән артык кеше җыелды — туганнары, якыннары, дуслары, яраткан кешеләре.

Хәрби хезмәткә чакырылучыларга һәм озатучыларга котлау сүзләре белән Татарстан Республикасы Чүпрәле районы Башкарма комитеты җитәкчесе Рөстәм Мөхәммәтҗанов мөрәҗәгать итте.

— Бүген-сезнең тормышыгызда яңа этап, сез хезмәт итәргә һәм Ватаныбызны сакларга китәсез. Һәр ир — атның изге бурычы-армиядә хезмәт итү. Безнең район тарихында сезгә тиңләшергә кирәк булган геройлар бик күп. Армиядә хезмәт итү ул көч, чыдамлык һәм сабырлык сынавы кебек. Мин сезгә уңышлар, лаеклы, чын командирлар, һәрвакыт тугры, дус булып калуыгызны, куелган бурычлардан чигенмәвегезне телим, — диде Рөстәм Мөхәммәтҗанов.

Бүген Түбән Урманасты Шигалие авылыннан Анатолий Алексеев, Роман Денисов, Иске Чүпрәле авылыннан Гадел Алиев, Рәсим Таҗетдинов, Ринат Шаһаев, Гадел Яфизов, Яңа Дуван авылыннан Салават Хәкимов, Иске Кәкерле авылыннан Нияз Фәткуллов, Яңа Шигали авылыннан Роман Угинов, Түбән Чәке авылыннан Данис Наумов, Зур Чынлы авылыннан Илсаф Камалиев армия хезмәтенә киттеләр.