Чүпрәледә Хәтер һәм кайгы көне билгеләп үтелде

Чүпрәлеләр бу көнне Советлар Союзы Герое Григорий Семеновны да искә алдылар. Аның тууына 105 ел тулды. Чаралар Хезмәт һәм Сугышчан дан монументы янында үтте һәм тантаналы рәвештә Мәңгелек утка веноклар куюдан башланды.

Башкарма комитет җитәкчесе Рөстәм Мөхәммәтҗанов якташларыбызның батырлыгы, Бөек Ватан сугышы вакытында фашист илбасарларына каршы көрәштә фронт һәм тыл бердәмлеге турында сөйләде.

Городище мәктәбенең яшь армиячеләре Герой — авылдашлары батырлыгына багышланган шигырьләр укыдылар. Григорий Семеновның туганы Василий Семенов абыйсын онытмаулары өчен рәхмәт белдерде, туганы белән горурлануын әйтте.

Чарага килүчеләр Григорий Семенов бюстына чәчәкләр салдылар.

— Мондый чаралар тарихыбызны һәм якташларыбыз батырлыгын олыларга һәм киләчәк буыннарга тапшырырга, геройларга карата хөрмәт хисе тәрбияләргә мөмкинлек бирә, -ди Рөстәм Мөхәммөтҗанов.