Чүпрәледә социаль хезмәткәрләр маскировка челтәре үрәләр

Райондагы  “Кайгырту” халыкка социаль хезмәт күрсәтү үзәге махсус хәрби операциядә катнашучы ир-егетләргә ярдәм итүдә актив катнашалар.

Район халкына социаль хезмәт күрсәтүдән тыш, алар мөһим иҗтимагый эш өчен дә вакыт табалар —маскировка челтәрләре үрәләр.

Әлеге юнәлеш районда системалы волонтерлык эшенең бер өлешенә әверелде.

Үзәк белгечләре һәм башка битараф булмаган кешеләр белән берлектә әзерләнгән маскировка челтәрләре даими рәвештә махсус хәрби операция зонасына гуманитар йөк составында озатыла.