Чүпрәле районындагы “Ивушка” балалар бакчасында юл хәрәкәте иминлеге көне узды

Зур Аксу авылындагы “Ивушка" балалар бакчасында юл-транспорт травматизмын профилактикалауга юнәлдерелгән чара узды.

Чараны «Юл хәрәкәте иминлеге» учреждениесенең Буа бүлекчәсе белгече Диана Мөхәммәтшина, юл хәрәкәтенең иҗтимагый иминлеге буенча әйдәп баручы белгече Мария Пустынина һәм һәм мәгариф бүлеге методисты Илнур Мавзютов оештырды.

Төп максат бакчада тәрбияләнүчеләрнең, аларның ата-аналарының юл йөрү кагыйдәләре өлкәсендә грамоталылыкны арттыруга җәлеп итү иде.

Белгечләр балалар һәм ата-аналар өчен интерактив уеннар, әңгәмәләр үткәрделәр, видеороликлар күрсәттеләр. Бу көнне балаларга яктылыкны кире кайтара торган элементлар, ә ата –аналарга тематик белешмәләр таратылды.