Чүпрәле районы ветеринария берләшмәсендә яңа җитәкче билгеләнде

«Чүпрәле район дәүләт ветеринария берләшмәсе» бюджет учреждениесенең җитәкчесе-баш ветеринария табибы вазифасына Низамов Рәсим Рәис улы билгеләнде.

Рәсим Низамов Буа районыннан, ветеринария хезмәте өлкәсендә 20 елга якын эшли.

«Рәсим Рәис улын яңа вазифасы белән котлыйбыз, һөнәри эшчәнлек һәм карьера үсеше телибез!»- дип билгеләп үтте Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов.

Алмаз Хисаметдинов шулай ук хезмәт коллективы белән киңәшмә үткәрде, киләчәккә  бурычларны һәм  планнарны билгеләде.

Район башлыгы Марат Гафаров һәм яңа җитәкче белән берлектә ул ветеринария хезмәте эшчәнлеге белән танышты, кабинетларны карады, хезмәт коллективының көнүзәк мәсьәләләрен шәхси контрольгә алды.