Чүпрәле егетләрен тантаналы рәвештә хәрби хезмәткә озаттылар

Якындагы елга Татар Төкесеннән  Тимур Аббазов, Яңа Чүпрәледән Булат Абдрафиев, Иске Кәкерледән Ринат Шахмуратов, Матактан Артем Акимов, Чуваш Ишлесеннән Кирилл Лысов чын ир-ат үтәргә тиешле казарма һәм кырыс мәктәп белән алмашыначак. 
Чүпрәле районының 5 егете бүген, 27 ноябрьдә, иртән иртүк Россия армиясе сафларына киттеләр. Бу инде көзге кампаниягә чакырылучыларның дүртенче партиясе. Искәртеп үтәбез, өлешчә мобилизация аркасында, быел чакырылыш сроклары бер айга соңрак күчерелде.
– Мин сезнең хәрби частьләрдә намус белән хезмәт итәчәгегезгә ышанам, ә без сезнең белән горурланырбыз һәм сезне кире көтәрбез! - диде армиягә чакырылучыларга Башкарма комитет җитәкчесе урынбасары Айрат Җәлалов.

Чүпрәле егетләре Россиянең төрле урыннарында хезмәт итәчәк. Шунысын да билгеләп үтәргә кирәк, ашыгыч хезмәт срогында  солдатларының берсе дә махсус хәрби операция зонасына китмәячәк. 

Көзге чакырылыш 31 декабрьгә кадәр дәвам итәчәк. Кампания кысаларында илнең Кораллы Көчләре сафларын 30дан артык якташыбыз тулыландырачак.