Чүпрәледә пиротехник эшләнмәләрне куллану урыннары билгеле

Бу вакыт аралыгында пиротехник эшләнмәләр куллану тыела. Сәнәгать корылмалары, ягулык- энергетика комплексларыннан 500 метр, торак-коммуналь хуҗалык, авыл хуҗалыгы, халык күп йөри торган объектлар, автомобиль юлларыннан 50 метр ераграк мәйданнарда бенгаль утлары һәм шартлаткычлар яндыру искәрмә булып тора. Торак пунктларда пиротехник эшләнмәләр куллану өчен махсус урыннар билгеләнергә һәм алар беренчел янгын сүндерү чаралары белән җиһазланган булырга тиеш. Шулай ук әлеге пиротехник эшләнмәләрне учреждениеләр карамагындагы ябык биналарда саклау һәм куллану тыела. Янгын куркынычсызлыгы режимы башланганчы Яңа ел бәйрәм чаралары уздырыласы урыннар исәпкә алынырга тиеш. Һәр урын янгын куркынычсызлыгы таләпләренә туры килү буенча тикшерелергә, ә персоналга инструкция уздырылган булырга тиеш. Янгынга каршы көрәш режимы вакытында пиротехник эшләнмәләрне сату һәм ачыклау буенча Гадәттән тыш хәлләр һәм Эчке эшләр министрлыгының Чүпрәле районы буенча бүлеге белән берлектә рейдлар уздыру планлаштырылды. Рейд вакытында РФ законнарында күрсәтелгән сертификатларга туры килми торган продукцияне ачыклау да күздә тотыла.

Район территориясендә күпләп һәм берәмләп сату оешмалары җитәкчеләренә сертификаты туры килмәгән электр гирляндаларын, пиротехник эшләнмәләрне сатуга чыгармаска киңәш ителә. Шулай ук техник документында куркынычсызлык чаралары күрсәтелмәгән ясалма чыршы, аларга төрле бизәкләр сату да тыела.

Яңа ел бәйрәмнәре чорында янгынга каршы аерым режим кертелүе турындагы район Башкарма комитеты карары нигезендә пиротехник эшләнмәләрне, бенгаль утлары һ.б. куллану урыннары билгеләнде. Бу: элеккеге аэропорт территориясе (автодром), Иске Чүпрәленең көнбатыш өлешендә -Тынычлык урамыннан 50 метр ераклыктагы территория, Иске Чүпрәленең төньяк өлешендә-Яңа Чүпрәле авылы, Тукай урамыннан 100 метр, кырга таба ераклыктагы һәм Үзәк урам буенча спорт мәйданчыгы янәшәсендәге бушлык урын. Карар нигезендә һәр авыл җирлеге әлеге территорияләрне үзе билгели.

Пиротехник эшләнмәләр махсус урыннарда кулланылмаган очракта «112», «01», «02» телефоннары аша хәбәр итегез.