Чүпрәледә янгын мал-туар сараеның түбәсен саламы белән бергә юк иткән

Чүпрәле районының Чуваш Чүпрәлесе авылында 10 февральдә янгын чыкты. Бу хакта Инстаграм челтәрендә 114psch хәбәр итә.

Чыганак мәгълүматлары буенча, янгын чыккан  урынга 114 янгын сүндерү һәм коткару бүлегенең дежур каравылы чыккан.
Янгын мал-туар сараеның түбәсен саламы белән бергә юк иткән. Янгын зыян китергән мәйдан күләме 48 кв. м. тәшкил итә.  Һәлак булучылар һәм зыян күрүчеләр юк.
Янгынның сәбәбе-электр җиһазларын кулланган вакытта техник кагыйдәләрен дөрес үтәмәү.