Чүпрәледә яхшы йөзүчеләр ачыкланды

Призлы урыннар өчен йөзеп көрәшергә 100гә якын яшь спортчы килгән иде. Чемпионатны ачу Чүпрәле муниципаль районы башлыгы урынбасары Алексей Ярухинның котлау сүзләре белән башланып китте. Ул катнашучыларга җиңел старт, тиз финиш, сәламәтлек, шатлык һәм уңышлар теләде. Балалар-яшүсмерләр спорт мәктәбе директоры Евгений Митрошкин ярышларны спорт һәм су, дуслык һәм партнерлык бәйрәме дип игълан итте һәм яшь йөзүчеләргә җиңүчеләрнең матур һәм киеренке көрәштә, шулай ук матур нәтиҗәләргә ирешүләрен теләде

Ярыш нәтиҗәләре буенча үз яшьтәшләре арасында беренче урыннарны Айназ Дамаев, Ангелина Мышова, Ильяс Фәизов, Айзилә Кәлимуллина, Тимофей Гордеев, Әмирә Әюпова, Раян Гайфуллин һәм Нурсилә Садыйкова яулады. Барлык җиңүчеләр һәм призерлар грамоталар һәм медальләр белән бүләкләнде.

Рәсемдә: спорт мәктәбенең иң яхшы йөзүчеләре. Автор фотосы.