Чүпрәледә предприятие һәм оешма хезмәт коллективлары музейга экскурсиягә йөри

Октябрь аенда музейга иң беренчеләрдән  «Россельхозцентр» ның район бүлеге һәм «Прогресс» предприятиесе хезмәткәрләре килделәр.

 Әлеге чаралар музей тарафыннан  1941-1945 еллардагы Бөек Ватан сугышында Җиңүнең  75 еллыгына, ТАССРның  100 еллыгына һәм район  оешуның  90 еллыгына әзерлек кысаларында үткәрелә.

Хезмәт коллективлары өчен  районыбызның бай тарихы  документлар,  фотосурәтләр аша  күзәтү экскурсиясе буларак җиткерелә.   Музейга килүчеләр районыбыздан чыккан, шунда эшләгән, яшәгән бөек шәхесләрнең биографиясе белән таныша алалар.

-Музейга экскурсияләр экспонатлар фондын тулыландыруны да күздә тота. Әйтик,  «Россельхозцентр»  коллективы  озак еллар дәвамында  үзләре  кайбер экспонат-приборларны музейга бүләк итте. Болар:  төрле үлчәүләр,  тишелешне билгеләү өчен  җайланмалар,  1938 елгы микроскоп һ.б.

Районыбызның барлык хезмәт коллективларын музйда көтеп калабыз,-ди музей директоры Гөлназ Җаббарова.