Чүпрәле тармак техникумы 52 укучы белән тулыланды

Быел  техникумга төрле белгечлек буенча 52 укучы 1нче курска килде.

Булачак белгечләрне район башлыгы Марат Гафаров, дәүләт милке белән идарә итү буенча Федераль агентлыкның Татарстан Республикасында һәм Ульяновск өлкәсендә төбәкара территориаль идарәсе җитәкчесе Альберт Хәйретдинов, шулай ук авыл хуҗалыгы предприятиеләре  җитәкчеләре: КФХ башлыгы Равил Бикчуров, Дементьев исемендәге агрофирманың баш инженеры Иршат Исхаков, шулай ук «Чайка» балалар лагеры директоры Анатолий Мердеев котлады.

Реклама

Техникум укучыларына киләчәктә район өчен кирәкле белгечләр булып җитешүләрен теләделәр, авыл хуҗалыгы предприятиеләре җитәкчеләре исә җәйге чорда урып-җыюда катнашучыларга Рәхмәт хатлары тапшырдылар.