Чүпрәле делегациясе Ногинск шәһәрендәге шефлыкка алынган хәрби частькә китте

Гөлия Фәизова, 28 апрель 2022 - 10:37

854

Бүгенге көндә биредә Чүпрәле районыннан 17 егет хезмәт итә.

Чүпрәле делегациясе Ногинск шәһәрендәге шефлыкка алынган хәрби частькә китте

Бу көннәрдә Чүпрәле районы башлыгы Марат Гафаров, Башкарма комитет җитәкчесе урынбасары Айрат Җәлалов, Буа һәм Чүпрәле районнары хәрби комиссары Радик Төхфәтуллин составындагы Чүпрәле районы делегациясе Мәскәү өлкәсенең Ногинск шәһәрендә шефлыкка алынган хәрби частьтә эш визиты белән сәфәрдә.
Ногинск шәһәрендә шефлыкка алынган частькә барып кайту инде традициягә әверелде. Җитәкчеләр хәрбиләрнең хезмәт шартлары һәм көнкүреше белән танышалар. Бүгенге көндә биредә 17 егет хәрби хезмәт уза.
Делегация ата-аналардан күчтәнәчләр, традицион бүләкләр алып килде.
Хәрбиләр сүзләренә караганда, хезмәт итү белән проблемалар юк, ата-аналар белән алар даими рәвештә сөйләшеп торалар. Яшәү, хезмәт итү шартлары бик әйбәт.