90 яшьлек гомер бәйрәмен каршыларга Елена Казакова туган йортына кайткан иде

 Гомере Матак авылында узган  Елена Гавриловна Казакова бүген үз нигезендә кунак кына. “Олыгайгач, балалар тәрбиясенә каласың икән”, ди ул.

Шулай да,  90 яшьлек гомер бәйрәмен  Елена Гавриловна балалары белән туган йортына кайткан иде.

Елена Гавриловнаның хезмәт юлы колхозда уза. Тормыш иптәше Зиновий белән 6 балага гомер бирәләр алар, бүген  4 се исән. Инде оныклар, оныкчыклар үсеп килә.

-Үткән гомер үкенечле булмады. Намуслы хезмәт куйдык. Олыгайч, җитәкчеләрдән мондый хөрмәт күрүе олы шатлык,-дип рәхмәтләрен укыды килгән кунакларга  юбиляр. Район башлыгы урынбасары Алексей Сарафанов   Елена Гавриловна Казаковага изге теләкләр юллап, бүләкләр тапшырды.