1 Май-Яз һәм Хезмәт бәйрәме көнендә Чүпрәле районы Иске Кәкерле авылында яшәүчеләр зиратта өмә үткәрделәр

Бүген, 1 Май-Яз һәм Хезмәт  бәйрәме көнендә Чүпрәле районы Иске Кәкерле авылында яшәүчеләр зиратта өмә үткәрделәр. Бу хакта җирлек башлыгы Рөстәм Фәткуллин сөйләде.

Җитәкче сүзләренә караганда, ял көнендә игелекле эштә катнашырга теләүчеләрнең күп булуы куандыра. Барысы да бердәм булып эшләделәр. Иске ботаклар, агачлар җыеп алынды, территория узган елгы үләннән һәм чүп-чардан чистартылды, контейнерлар буялды.

-Безнең авылда биш зират бар. Шуларның дүртесендә җирләү эшләре дәвам итә. Барлык зиратлар да халыктан җыелган үзара салым акчасына, шулай ук иганәчеләр ярдәме белән төзекләндерелде. Зиратлардагы чисталыкны, тәртипне авылдашлар карап торалар, бу изге эштә катнашкан һәркемгә зур рәхмәт, -дип билгеләп үтә Рөстәм Фәтхуллин.