“Халык контроле”нә хәбәр ит!

Чүпрәлеләр алкоголь һәм спиртлы продукцияләр әйләнеше өлкәсендәге кануннарны бозу, рөхсәтсез оешкан сәүдә объектларында алкогольле эчемлекләр сату, әлеге продукцияләрне лицензиясез я булмаса балигъ булмаган балаларга сату очракларын белгән очракларда uslugi.tatarstan.ru порталындагы "Халык контроле" системасында гариза калдыра ала. Бу хакта ТР Дәүләт алкоголь инспекциясе контроль инспекция бүлегенең әйдәп баручы белгеч-эксперты Марат Җәләлов белдерде.

Мөрәҗәгать кабул ителгәннән соң, алар профильле идарә тармакларына юлланачак. Система идарә тармагы хезмәткәрләре белән хезмәттәшлек итә, алкоголь продукциясе әйләнеше өлкәсендәге тәртип бозуларны табарга һәм вакытында туктатырга булыша.