Чуваш әлифбасына-140 ел

Аны бөек педагог-мәгърифәтче И.Я.Яковлев студент-филолог В.А. Белилин һәм педагог-тәрҗемәче, этнограф А.В.Рекеев белән берлектә төзиләр. 1872 елда басылган әлеге әлифбада 46 хәреф була. Дәреслек гыйлем бирү өчен генә түгел, ә тәрбия бирү алымнарын да күздә тоткан була. Шул рәвешле анда күбрәк, ул вакытка хас, дини тәрбияләү методикасы нигез итеп алына. Шулай ук әлифбада гигиена кагыйдәләрен үтәү кебек, мәсәлән, кием-салымны пөхтә йөртү һәм башка шундый тәрбия алымнары тупланган.

Әлифба И.Яковлевның исән чагында янә 33 тапкыр нәшер ителү вариантын кичерә, аларның күбесе бүген дә Чувашия Республикасы Китаплар палатасында саклана.