Чүпрәледә “Ел тәрбиячесе – 2023” бәйгесенең район этабы узды

2 санлы «Әкият» балалар бакчасына тәрбиячеләр һөнәри осталыкларын күрсәтергә җыелды. Биредә “Ел тәрбиячесе – 2023” бәйгесенең район этабы узды.

Тәрбиячеләр алдан әзерләгән презентацияләре аша үзләре белән таныштырды, тормышка, балаларга hәм сайлаган һөнәрләренә мөнәсәбәтләрен күрсәттеләр. Аннан соң алар балалар белән төрле чаралар үткәрде.

Бәйге нәтиҗәләре буенча 1 урынга “Кояшкай” балалар бакчасы тәрбиячесе Әлфия Айнуллова,  2 урынга шушы ук бакча тәрбиячесе Альбина Сабирова, 3 урынга “Әкият” балалар бакчасыннан Гөлия Нуретдинова һәм “Туган телдә тәрбия һәм белем бирү төркеме тәрбиячесе” номинациясендә Чуваш Бизнәсеннән Галина Гуряшкина лаек булды.

Җиңүчеләрне район мәгариф идарәсе җитәкчесе Илсур Халитов тәбрикләде.