Вӗренекенсен ăнăçăвӗсем

Районти шкулсенче вӗренекенсем тӗрлӗ предмет олимпиадисенче ӑмӑртаҫҫӗ. Акӑ черетлӗ ҫитӗнӳ – 1 номерлӗ Кивӗ Ҫӗпрел вăтам шкулӗнче 7 «А» класра вӗренекен Самира Волкова олимпиадӑн акӑлчан чӗлхипе иртекен пӗтӗмлетӳ этапӗн призерӗ пулса тӑчӗ. Олимпиадӑна ӑна акӑлчан чӗлхине вӗрентекен Эльмира Яфизова хатӗрленӗ.

Шкулӑн тепӗр вӗренекенӗ, хальхинче 9 «А» класри Ксения Вязникова ОБЖ енӗпе олимпиада ҫӗнтерӳҫи пулса тӑчӗ. Олимпиада январӗн 19-мӗшӗнчен пуҫласа 22-мӗшӗччен Атӑл ҫи патшалӑх физкультура, спорт тата туризм университетӗнче иртнӗ. Ксенияна предмет олимпиадине вӗрентекен Альфик Миннебаев хатӗрленӗ.

Унчченрех Аслӑ Аксу вăтам шкулӗнче  9-мӗш класра вӗренекен Игорь Давыдов, акӑлчан чӗлхипе              республика олимпиадин призерӗ пулса тӑчӗ. Вӗрентекенӗ – Е.В.Митрошкина. Олимпиада «Олимпи патне ҫул» тенӗ республикӑри «Дуслык» («Дружба») олимпиада центрӗнче иртнӗ.