Ҫулсем ҫине ҫӳп-ҫап тӑкакансене штрафлӗҫ

Раҫҫейре Административлӑ правӑна пӑсни çинчен калакан кодексри тӳрлетӳсем вӑя кӗрӗç. Тӳрлетӳсемпе килӗшӳллӗн, ҫул хӗррине е вӑрманта машинӑран ҫӳп-ҫап кӑларса пӑрахакансене сӑнаса тăма автомат камерисене лартма ирӗк параççӗ.

Машинӑран ҫӳп-ҫап кӑларса пӑрахакан ахаль ҫынсене 30 пин тенкӗ штраф хывма пултараҫҫӗ. Должноҫри ҫынсемшӗн штраф виҫи 60 пин тенкӗ таран, юридически лицосемшӗн – 100 пин тенкӗ таран.

Автомобиль хуҫине штрафа, камера автомобиль номерне палӑртнӑ хыҫҫӑн, почтӑпа ярӗç.