Штраф суммисене ӳстернӗ

Пушар хӑрушсӑрлӑхӗн требованийӗсене  тата вӑрманти пушар хӑрушсӑрлӑхӗн правилисене пӑснӑшӑн штрафсен суммине пысӑклатнӑ.

Требованисем çакӑн пек:

– шашлык хатӗрленӗ чухне мангал ҫуртран, хӳмерен е беседкӑран 5 метр инçешӗнче пулмалла. Унсӑрӑн хуҫисене асӑрхаттару е 5000-15000 тенкӗ виҫепе штраф юнать;

– пушара хирӗҫле режим вăйра пулнă тапхӑрта ҫутҫанталӑка тухса шашлык пӗçернӗшӗн – 10000-20000 тенкӗ штраф;

– ҫутҫанталӑк ытамӗнче кану пушарпа вӗҫленнӗ тата ҫыннӑн сывлӑхне ҫӑмӑл е вӑтам шайра сиен кӳнӗ пулсан – 40000-ран пуҫласа 50000 тенкӗ таран штраф;

– вӑрманта е паркра кӑвайт чӗртнӗшӗн асӑрхаттару е 15000-30000 тенкӗ штраф. Пушар режимне пӑснӑшӑн штраф – 40000-50000 тенкӗ;

– пушара пула сывлӑха йывӑр сиен кӳнӗ пулсан – 80000 тенкӗ таран штраф е 3 ҫула ҫитиччен ирӗкрен хăтарасси кӗтет;

– пушара пула пӗр е темиҫе ҫын вилнӗ пулсан – 5 ҫулччен ирӗкрен хăтарма пăхăннă;

–пушар хыҫҫӑн пурлӑха пысӑк сиен пулнă тӗслӗхре (250 пин тенкӗ) – 120 000 тенкӗ таран штраф е 1 ҫулччен ирӗкрен хăтарма пăхăннă;

– пушара пула вӑрмана сиен кӳнӗ тӗслӗхре – 300 000 тенкӗрен пуҫласа 500 000 тенкӗ таран штраф е 4 ҫулччен ирӗкрен хăтарма пăхăннă.

Федераци законӗ июнӗн 8-мӗшӗнчен пуҫласа вӑя кӗнӗ.

Кун пирки Раҫҫейри Чрезвычайлă лару-тăру министерствин Тутарстан Республикинчи Тӗп управленийӗн Пӑвапа Ҫӗпрел районӗсен хушшинчи надзор ӗҫ-хӗлӗн тата профилактика ӗҫӗн специалисчӗ А.Мердеев  пӗлтерчӗ.