Оперативлӑ-профилактика мероприятийӗсем
Тутарстан Республикин территорийӗнче, ҫав шутра, пирӗн районта та, кӑҫалхи çулăн май уйӑхӗн 29-мӗшӗнчен пуҫласа июнӗн 9-мӗшӗччен «Мотоцикл» оперативлӑ-профилактика мероприятийӗ ирттереҫҫӗ.
Патшалăх инспекцийӗн ӗçченӗсем асăрхаттарнă май, ҫул ҫитмен машина çӳретекенсемшӗн (вăл 16 ҫул тултарнă пулмалла) мопедпа, скутерпа, мотоциклпа, водитель прависӗр çӳресен, РФ Административлă право йӗркине пăсни çинчен калакан кодексăн 12.7 статйин 1-мӗш пайӗпе килӗшӳллӗн, 5 пинрен пуҫласа 15 пин тенкӗ таран административлă майпа штраф парассине пӑхса хӑварнă, çав вăхăтрах транспорт хатӗрне ятарлă стоянкӑна лартӗç. Енчен ача 16 ҫултан ҫамрӑкрах пулсан, уншӑн ашшӗ-амӑшӗсем е опекунсем яваплӑ пулӗç. Вӗсене РФ Административлă право йӗркине пăсни çинчен калакан кодексăн 5.35 статйипе килӗшӳллӗн административлӑ майпа яваплӑха явӑҫтарӗҫ, транспорт хатӗрне вара кун пек чухне те ятарлӑ стоянкӑна лартӗç. Çул ҫитмен ача тӗлӗшпе профилактика учетне лартас енӗпе мерӑсем йышӑнӗç.
Справка
Кăçал çулталăк пуçланнăранпа Тутарстан территорийӗнче мотоциклистсем хутшăннипе 44 çул-йӗр-транспорт аварийӗ пулнă, вӗсенче 2 ҫын вилнӗ тата 47 çын сиен курнӑ.
Следите за самым важным и интересным в Telegram-каналеТатмедиа
Нет комментариев