Конкурсра хутшăн та – мотоблок выляса ил!

Çӗпрел районӗнче территорисене тирпей-илем кӗртес енӗпе конкурс пӗлтерчӗç. Конкурса район халăхӗ, предприятисем, организацисем, учрежденисем тата уйрӑм предпринимательсем хутшӑнма пултараҫҫӗ.

Конкурса çакăн пек номинацисемпе ирттереҫҫӗ:

«Чи лайӑх предприяти» – предприятисем, организацисем, учрежденисем, уйрӑм предпринимательсем хушшинче;

«Тӗслӗхлӗ кил-çурт» – уйрӑм ҫуртсенче пурӑнакансем хушшинче;

«Чи лайӑх ял тăрăхӗ» – Ҫӗпрел муниципаллă районӗнчи ял тăрăхӗсем хушшинче.

Конкурсра хутшăнма пулнă майсене алран ан вӗҫертӗр! Ҫӗнтерӳҫӗсене хаклӑ парнесемпе парнелӗç!

1 вырӑншăн – мотоблок, 2 вырӑншăн – триммер, 3 вырӑншăн – бензопила.

Заявкăсене тата конкурс материалӗсене 2022 ҫулхи августӑн 19-мӗшӗччен, ҫак адреспа йышӑнаҫҫӗ: Ҫӗпрел районӗ, Кивӗ Ҫӗпрел ялӗ, Центральная урамӗ, 13-мӗш çурт (107 тата 204 пӳлӗмсем).

Тӗплӗнрех пӗлме телефон номерӗ: 8-843-75 -2-29-70.