Кӗçӗн Чăнлă халăхне пысӑк парне

Культура вучахне уҫма Раҫҫей Патшалӑх Думин депутачӗ Ильдар Гильмутдинов та килнӗччӗ.

Строительсем ҫурт фасадне ҫӗнетрӗç, юнашарти территорие юсарӗç, тăррине тата алӑкӗсене, инженерипе коммуникацисене улӑштарчӗç, ӑшӑтмалли тата шывпа тивӗҫтермелли системӑна модер-низацилерӗç, санузелсене оборудованилерӗç, электромонтажсемпе ҫутатмалли ӗҫсем тунӑ, шалти пӳлӗмсене комплекслӑ юсанӑ, курмалли залăн, сценӑсен, библиотекӑн шалти илемӗ ҫине уйрӑмах тимлӗх пачӗç. 

Культура ҫурчӗ Кӗçӗн Чăнлă ялӗн халăхӗшӗн ҫеҫ мар, районта пурӑнакансемшӗн те культура туртӑмӗн центрӗ пулса тӑрӗ.

Мероприятире хутшӑнакансем Ильдар Гильмутдинов, Тутарстанри культура министрӗн ҫумӗ Ленар Хакимзянов, район пуҫлӑхӗ Марат Гафаров. «Цильна» обществӑн ертӳҫи Барис Гафуров культура вучахӗ халӑха пӗрлештермелли, йӑла-йӗркесене, наци йӑли-йӗркисене упраса хӑвармалли вырӑн пулса тӑрасса ӗмӗтленни çинчен пӗлтерчӗç.

Ильдар Гильмутдинов:

— Культура вучахӗсем ялта пулни питӗ кирлӗ. Мӗншӗн тесен паллӑ талантсенчен нумайӑшӗ шӑпах ялсенчен тухнă. Кӗҫӗн Чăнлă ялӗ те хӑйӗн çивӗч чӗлхеллӗ, юрра-кӗвве ăста çыннисемпе чапа тухнине пӗлетӗп. Эпӗ хам та, спектакльсенче тӗрлӗ рольсене вылякан Ринат Тазетдинова юратса, пăхса ӳснӗ çын. 
Ан тив, культура вучахӗ кӗрлесе тăтăр, ҫӗнӗ талантсемпе палăртăр.

Ленар Хакимзянов:

— Республикӑра ял клубӗсене тирпей-илем кӗртес енӗпе нумай ӗҫлеҫҫӗ, культурӑмăра упраса хӑварасси, аталантарасси ҫине пысӑк тимлӗх уйӑраҫҫӗ. 
Ял ҫыннисем хӑйсен канӑвне кăмăллă ирттерччӗр, пултарулӑхпа интересленччӗр, ӑс-хакӑла аталантарма кунта пӗтӗм условисем те, культура уҫлӑхӗ йӗркеленӗ.

Марат Гафаров:

— Кӗçӗн Чăнлă ялӗн Культура çуртне 36 ҫул каялла туса лартнӑ. Унччен унта обществăн ертӳҫи Барис Гафуров пулăшнипе юсав ӗçӗсем ирттернӗччӗ, кӑҫал ӑна тӗпрен юсама та пӳрчӗ. 
Культура ҫуртне Камал театрӗн артисчӗн, Раҫҫейпе Тутарстан халӑх артисчӗн Ринат Арифзянович Тазетдиновăн ятне пачӗç. 

Барис Гафуров:

— Пирӗн ялти Культура çурчӗ паянхи шая ҫитсен, эпир ӑна Ринат Тазетдинов ячӗллӗ тăвăпăр тесе шутланӑччӗ. Шухӑшланă ӗмӗтӗмӗр пурнӑҫланчӗ. Ку шухӑша район пуҫлӑхӗ Марат Ринатович та ырларӗ.
Район республика чиккинче вырнаçнă, анчах ăна культура енчен Ринат Тазетдинов пек ентеш чапа кăларчӗ. Ӑна пула эпир радиопа ҫеҫ илтнӗ Камал театрӗн артисчӗсене хамăрăн Культура çурчӗн сцени ҫинче темиҫе хутчен те курма пултартăмăр. Тавтапуҫ пуриншӗн те. 

Мероприятире Ринат Арифзянович ҫинчен видео, спектакльсенчи сыпӑксене кăтартрӗç, юрӑсем, сӑвӑсем, асаилӳсем янӑрарӗç.

Ринат Тазетдинов: 

— Кӗҫӗн Чăнлă ялӗнче талантлӑ, пултаруллӑ халӑх пурӑнать. Çак ялта ҫуралса ӳснӗ, ялти ахаль ачана, мана та Мускава ҫитсе вӗренме телей пӳрчӗ. 
Эпӗ хамӑр ялăн ҫыннисене, вӗрентекенсене, атте-аннене пуриншӗн те тав тӑватӑп! Кӗрлесе пурӑнтӑр ялăм, тата та аталантăр, чечеклентӗр. 

Мероприятире Галиаскар Камал артисчӗсем тӗрлӗ спектакльсен сыпӑкӗсене кӑтартрӗҫ, юрӑсем юрларӗҫ. Ӑна ТР Халӑх артисчӗ Фанис Зиганша илсе пычӗ.