Диспансеризаци чирсене малтанхи тапхӑрта тупса палӑртма пулӑшать

18 ҫула ҫитнӗ граждансен пурин те диспансеризаци иртмелле. 40 ҫулччен – виҫӗ ҫулта пӗрре, 40 ҫул хыҫҫӑн – ҫулсерен. Кун ҫинчен нумайӑшӗ пӗлеҫҫӗ, анчах çакна тимлӗхе илмеççӗ. Медицина пулӑшӑвӗ кирлӗ пулсан ҫеҫ врачсем патне каймалла пулса тухать.

Диспансеризаци чӗрепе юн тымарӗсен чирӗсене, онкологи, вар-хырӑм чирӗсене, малтанхи тапхӑрта ӳпке чирӗсене тупса палӑртма пулӑшать. Чир-чӗр тупӑнсан, хушма тӗпчевсем тумалла, яланах пăхăнса тӑмалла.

– Чир миҫе ҫул тӑсӑлать, ҫавӑн чухлӗ сипленме вӑхӑт та кирлӗ, тесе шутлатӑп. Ҫакӑ час-часах тӳрӗ килет те. Врачсем патне вăхăтра кайсан, эсир хӑвӑрăн сывлӑхӑра упраса хăваратăр, – тет ТР ТФОМСăн Пӑва хулинчи филиалӗн директорӗ Ильсур Гарипов.