Алина – район чысне хӳтӗлӗ

Конкурса Раççей Шалти ӗçсен министерствин Ҫӗпрел районӗнчи ГИБДД уйрăмӗ, «Çул-йӗр хӑрушсӑрлӑхӗ» Хусан хулинчи  территориаллă управленийӗн профилактика уйрăмӗн Пăвари уйрăмӗ, Ҫӗпрелӗнчи отрасль технологийӗсен техникумӗ  хатӗрлерӗ тата ăна патшалӑх автоинспекцийӗ  йӗркеленнӗренпе 85 ҫул çитнине халалланӑччӗ.

Вӑл икӗ этапра иртрӗ: «Çулҫӳрев правилисем» тата «Классика». «Ҫулҫӳрев правилисем» этапӗнче хӗрсемпе хӗрарӑмсем ҫул-йӗр правилисене мӗн таран лайӑх пӗлнине тишкерчӗҫ. «Классика» этапӗнче вӗсем автодромра автомобильпе çӳрес ӑсталӑхӗсене кӑтартрӗҫ.

Икӗ этап пӗтӗмлетӗвӗсем енӗпе I  вырӑна – Алина Солдатова, II вырӑна – Лейля Яфизова, III вырӑна – Рамиля Волкова, IV вырӑна – Разина Яфизова, V вырӑна – Зоя Натюнова йышӑнчӗç.

Унта хутшӑнакансене тата призерсене «Çул-йӗр хӑрушсӑрлӑхӗ» патшалăхăн муниципаллă учрежденийӗн панă хаклă призсемпе тата дипломсемпе чысларӗҫ.

Алина Солдатова вара район чысне Хусанта иртекен конкурсӑн зона этапӗнче хӳтӗлӗ.