Руль артында исерек булган

Чүпрәле районы җәмәгать судьясы З. Яфизова суд утырышында РФ Административ хокук бозулар кодексының 12.8 маддәсенең 1 өлеше буенча Төхфәтулловның административ хокук бозу турындагы эшен карап, тикшерде.

Судка кергән материаллар буенча 2023 елның 25 февралендә 15 сәгать 48 минутта Төхфетуллов автомобилен исерек килеш идарә иткәндә тоткарлана. Утырыш барышында Төхфәтуллов моны үзе дә таный һәм судка кергән юл хәрәкәте иминлиге инспекторлары тутырган протоколлар да моны раслый.

Судья эш материалларын тикшергәннән соң, Төхфәтулловның тәртибендә РФ Административ хокук бозулар кодексының 12.8 маддәсенең 1 өлешендә каралган административ хокук бозу составы бар дип тапты һәм аны 30 мең штраф түләү һәм 1,5 елга машина йөртү таныклыгыннан мәхрүм итү җаваплылыгына тартты.