Гадәттән тыш хәлләрне кисәтү буенча район комиссиясе утырышы булды

Шушы көннәрдә генә гадәттән тыш хәлләрне кисәтү һәм бетерү, янгын куркынычсызлыгын тәэмин итү буенча район комиссиясе утырышы булды.

Анда авыл җирлекләре башлыклары, халыкның тормыш эшчәнлеген һәм иминлеген тәэмин итү өчен җаваплы ведомстволар һәм оешмалар җитәкчеләре катнашты. Утырыш район башлыгы Марат Гафаров рәислегендә үтте. Чүпрәле районы территориясендә янгын куркынычсызлыгын тәэмин итү чаралары турында 114 нче янгын бүлеге башлыгы Роман Колпаков сөйләде. Ул чарада катнашучыларны 2021 елның узган чорында райондагы янгыннар буенча оператив хәл белән таныштырды.